រកឃេីញហេីយ ស/ពបុរសដែលធ្លាក់ពីម៉ូតូទឹកកាលពីរសៀលថ្ងៃទី២៧ ខែកញ្ញា

ភ្នំពេញ ៖ រកឃេីញហេីយ សពបុរសដែលធ្លាក់ពីម៉ូតូទឹកកាលពីរសៀលថ្ងៃទី២៧ ខែកញ្ញា បានអណ្ដែតហេីយត្រូវបានប្រជានេសាទប្រទះឃេីញនៅម្ដុំស្ពានព្រះមុនីវង្ស(ស្ពានច្បារអំពៅ) ហេីយអូសមកដល់ក្រោយវត្តចាក់អង្រែក្រោមដេីម្បីស្រង់ឡេីងមកលេីដេីម្បីប្រគល់សាច់ញាតិយកទៅធ្វើបុណ្យតាមប្រពៃណី នៅព្រឹកថ្ងៃទី៣០ ខែកញ្ញា ឆ្នាំ២០២៥ ស្ថិតក្រោយវត្តចាក់អង្រែក្រោម សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។

ជនរងគ្រោះឈ្មោះ ផល សុផេង អាយុ៤៥ឆ្នាំ មានទីលំនៅ បុរីប៉េងហួត បឹងស្នោ ។

សូមរំលឹកថា មានករណីបុរសវ័យ៤០ឆ្នាំម្នាក់ បានបើករថយន្ត១គ្រឿង និងមានសណ្ដោងម៉ូតូទឹកពីខាងក្រោយរថយន្ត បើកមកកំពង់ដរកោះពេជ្រចាស់ ក្នុងគោលបំណងយកម៉ូតូទឹកនោះមកជិះលេងនៅទន្លេបាសាក់ លុះជិះបានបន្តិច មិនដឹងមានមូលហេតុអ្វីនោះទេ ស្រាប់តែបុរសរូបនោះធ្លាក់ពីលើម៉ូតូទឹក ហែលលើកដៃអោយគេជួយបានបន្តិចក៏លិចបាត់អស់ច្រើនម៉ោង ហើយម៉ូតូទឹករសាត់ទៅដល់ស្ពានព្រះមុនីវង្សចាស់ ។ ចំណែកបុរសរងគ្រោះ ត្រូវបានគេសង្ស័យថា អាចហូរទៅដល់ក្រុងតាខ្មៅ ដោយសារទឹកហូរខ្លាំងពេក ។ ហេតុការណ៍ខាងលើនេះបង្កការភ្ញាក់ផ្អើល កាលវេលាម៉ោង៤រសៀលថ្ងៃទី២៧ ខែកញ្ញា ឆ្នាំ២០២៥ នៅចំណុចក្បែរស្ពានកោះនរាបរិវេនកោះពេជ្រ ក្រុម៧៨ ស្ថិតនៅភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ៕