គិតត្រឹមថ្ងៃចន្ទទី១៨ខែសីហាឆ្នាំ២០២៥ តួលេខមនុស្សស្លាប់ដោយសារការវាយប្រហារអាកាសរបស់របបយោធាមីយ៉ាន់ម៉ា នៅតំបន់ Mawchi នៃក្រុង Hpasawng រដ្ឋ Kayah ដែលស្ថិតនៅជាប់ខេត្ត Mae Hong Son ប្រទេសថៃ បានកើនដល់២៤នាក់ហើយ។

យន្តហោះចម្បាំងកងទ័ពអាកាសមីយ៉ាន់ម៉ា បានបើកការទម្លាក់គ្រាប់បែក កាលពីថ្ងៃអាទិត្យ ដោយកម្ទេចមន្ទីរពេទ្យ Do-Ka-Hlo សឹងតែទាំងស្រុង និងបំផ្លាញហេដ្ឋារចនាសម្ព័ន្ធផ្សេងទៀត។

យន្តហោះទាំង២គ្រឿងនោះ គឺជាប្រភេទ YAK-130 ដោយទម្លាក់គ្រាប់បែកទម្ងន់ ២២៦គីឡូក្រាម ចំនួន៤គ្រាប់ ដោយវាមិនមែនបង្កទុក្ខវេទនាដល់ពលរដ្ឋមីយ៉ាន់ម៉ា ប៉ុណ្ណោះទេ សូម្បីប្រជាជននៅក្នុងទឹកដីថៃឯណោះ ក៏រស់នៅមុនស្រណុកចិត្តដែរ។

បើយោងតាមរបាយការណ៍ជាក់ស្តែង, នេះគឺជាការវាយប្រហារអាកាសទ្រង់ទ្រាយធំលើកទី៨ហើយ លើតំបន់ Mawchi បើគិតចាប់តាំងពីខែមករាឆ្នាំ២០២៥មក៕