ភស្តុតាងសំខាន់ណាស់..សូមបងប្អូនស៊ែរក៏បាន យកផុសតក៏បាន…

វីដេអូបង្ហាញពីលោក អភិសិទ្ធិ វេចាជីវ៉ា (Abhisit Vejjajiva) ដែលជានាយករដ្ឋមន្ត្រីថៃនៅពេលនោះ(2010) អង្គុយនៅតុមួយលោកកំពុងស្តាប់បុរសម្នាក់ទៀតនិយាយ បុរសដែលនិយាយនោះគឺឧត្តមសេនីយ៍ ប្រាវិត វង្សសុវណ្ណ (Prawit Wongsuwan) រដ្ឋមន្ត្រីការពារជាតិថៃ។

ឧត្តមសេនីយ៍ ប្រាវិត និយាយ៖ «តំបន់នោះជារបស់កម្ពុជាយូរហើយ(ណងចាន់) ពួកគេនៅទីនោះតាំងពីឆ្នាំ 1983 មកម្ល៉េះ។ ហើយវាគឺជាតំបន់មួយដែលច្បាស់លាស់ណាស់ ដែលត្រូវបានកំណត់ថាជាតំបន់ដែលជាកម្មសិទ្ធិរបស់កម្ពុជា។ គឺ…បង្គោលព្រំដែនគឺជាបង្គោលដែលប្រទេសថៃបានទទួលស្គាល់ថា កន្លែងនេះជាកម្មសិទ្ធិរបស់កម្ពុជា»។

លោក ប្រាវិត បន្តថា៖ «បាទ ផ្នែកភូមិព្រំដែនថៃ-កម្ពុជា។ ផ្នែកខ្លះវាជាតំបន់ដែលនៅតែមានការជជែកដេញដោលគ្នាមិនទាន់ដាច់ស្រេច»។

អ្នកសារព័ត៌មានម្នាក់សួរសំណួរ ទោះបីជាសំឡេងមិនច្បាស់ក៏ដោយ។ លោក ប្រាវិត ឆ្លើយតប៖ «អ្នកភូមិថៃធ្លាប់រស់នៅទីនោះពីពេលណា?»

លោក ប្រាវិត បន្តថា៖ «ពួកគេរស់នៅឯណាបានខ្ញុំមិនដឹង? មិនមានទេ…គឺមិនមាននៅទីនោះទេ ពួកគេមិនបានរស់នៅទីនោះទេ(ថៃ)មានតែធ្វើដំណើរឆ្លងកាត់ប៉ណ្ណោះ។ យូរឆ្នាំហើយ។

ចុះអង្គការសហប្រជាជាតិ? អង្គការសហប្រជាជាតិនៅឯណា?»

អ្នកសារព័ត៌មានម្នាក់ទៀតសួរសំណួរ… លោក ប្រាវិត ឆ្លើយតប៖ ខ្ញុំមិនដែលឃើញ UN មកមើលនៅទីនោះទេ។ UN?

«ដូច្នេះឥឡូវនេះ មានការចរចា ហើយតំបន់នោះនឹងត្រូវដោះស្រាយ?»

លោក ប្រាវិត បន្តថា៖ «តំបន់នោះកំពុងត្រូវបានដោះស្រាយ។ វាជាផ្នែកខ្លះ។ អ្នកត្រូវតែទៅមើលតំបន់នោះ វាមិនមែនថាខ្ញុំកំពុងទទួលយកវាទេតែវាជាផ្នែកខ្លះដែលកំពុងត្រូវបានដោះស្រាយ កំណត់ថាអ្វីជារបស់អ្នកណា។ ពួកគេ(កម្ពុជា)មានបង្គោលព្រំដែនកម្ពុជា-ថៃ ដែលពិត..គណៈកម្មាធិការ JBC កំពុងចរចា»។

អ្នកសារព័ត៌មានម្នាក់ទៀតសួរសំណួរ.. លោក ប្រាវិត ឆ្លើយតប៖ «ទេ គ្មានទេ»។

លោក ប្រាវិត បន្តថា៖ «ទេ គ្មានប័ណ្ណកម្មសិទ្ធិទេ។ ប័ណ្ណកម្មសិទ្ធិនៅឯណាមិនមានទេ? បង្ហាញមកមើល តើអ្នកចង់មានន័យថា អ្នកភូមិរស់នៅទីនោះ?ភូមិណងចាន់គ្មានប័ណ្ណកម្មសិទ្ធិទេ។ ប័ណ្ណកម្មសិទ្ធិនៅឯណា? ។

លោក ប្រាវិត បន្ថែមគំនិតចុងក្រោយ៖ «អូខេ»